Albisteak
Euskal Kostaldeko Geoparkea Mundumira kulturen jaian izango da asteburuan
Leintz Gatzagan eta Eskoriatzan egingo dute aurten munduko kulturen festa, Mundumira, maiatzaren 18, 19 eta 20an, eta Euskal Kostaldeko Geoparkeak bere eskaintza turistikoa aurkeztuko du bertan.
Badator Aste Berdea
Aste Berdearen baitan antolatuta, larunbat honetan heldu eta haurren Argazki Rallya egingo da.
Talentu ihesa ekiditeko proiektua
Urola Kostako Udal Elkartea eskualdearen lehiakortasuna hobetzeko plana garatzen ari da. Plan horren lan-ildoetako bat talentudunen ihesari aurre egitea da.
Hondakinen inguruan tabernari, ostalari eta merkatariekin egin beharreko bilera hilaren 22an izango da
Aste honetan zen biltzekoa Udal Gobernua herriko tabernari, ostalari eta merkatariekin, baina bilera eguna hurrengo astera atzeratu behar izan du. Beraz, hilaren 22an (asteartea) 19:00etan izango da zita. Bilera horretan Udal ordezkariek hondakinen arazoaren inguruko azalpenak eman eta atez ateko sistemaren inguruko zehaztapenak azalduko dituzte. Horretaz gain, Hernaniko tabernari bat ere izango da bertan, bere esperientzia kontatu eta herriko tabernari, ostalari eta merkatarien galderei erantzuteko.
Herriko biodibertsitatea hobetzeko ikasleek egindako proposamenak jaso ditu Udalak
Atzo, hilak 15, Maria eta Jose Ikastetxeko, Zumaiako Institutuko eta Oikiko eta Zumaiako Herri Eskolako ikasleak Iñaki Agirrezabala alkatea eta Aitor Leiza ingurumen batzordeburuarekin elkartu ziren, ikasturtean egindako lana aurkezteko. Aurtengo Agenda 21aren baitan, Zumaiako Biodibertsitatea aztertu dute, eta hori hobetzeko 12 proposamen luzatu zizkieten Udalari.
Soldadura eta galdaragintza lanbide prestakuntzako ikastaroetan izena emateko epea
2012-2013 ikasturtean galdaragintza edo soldadura ikastaroa egin nahi duenak, ekainaren 1etik 15era bitartean izango du izen emateko epea.
Bertizeko Jaurerrira egingo den familia irteeran izen emateko epea zabalik da
Hilaren 27rako, familia irteera antolatu du Ludotekak. Oraingoan Bertizeko (Nafarroa) Jaurerrira eta parke botanikora egingo dute irteera eta bertan parte hartu nahi dutenek, ostirala arte (hilaren 18a arte) izango dute izena emateko. Haurrek 10 euro ordaindu beharko dute, eta helduek, berriz, 15 euro.
Euskal Kostaldeko Geoparkearen II. astea maiatzaren 28tik ekainaren 3ra
Europar Geoparkeen Astea dela eta, Euskal Kostaldeko Geoparkeak bigarren urtez jarraian hamaika hitzaldi, tailer eta doako bisita gidatu antolatu ditu Deba, Mutriku eta Zumaian maiatzaren 28tik ekainaren 3ra bitartean, herritar orori zuzenduta.
Hondakinen arazoaren aurrean, konpromiso bateratua
Getariako, Zarauzko, Orioko eta Zumaiako alkateek Urola Kostako Udal Elkarteko lehendakariarekin batera, hondakinen arazoari irtenbidea emateko konpromiso bateratuak adostu dituzte.
Lurraldebus txartela ateratzeko aukera izango da turismo bulegoan, asteartetik aurrera
Orain artean ezin izan da Lurraldebus txartela Zumaian atera. Datorren asteartetik aurrera, turismo bulegoan izango da aukera hori, baina txartelarekin egin beharko dira ordainketa guztiak.
