Iñaki Agirrezabalaga

Zumaiako Udalak elkarrizketa digitalen aroa abiatu nahi du www.zumaia.net bere webgunean. Herritarrak Udaleko gaietan parte-hartzeko beste egitasmo bat izango da honakoa. Izan ere, zumaiar guztiei Udalean ordezkaritza duten alderdi politikoetako bozeramaileei galderak egin eta erantzun horiek ikuskatzeko aukera eskainiko zaie. Bide horretan, Iñaki Agirrezabalaga alkatea izango da lehendabiziko elkarrizketatua.